ఫస్టు వేస్టు

ఎంతో కష్టపడి వచ్చాను M.Sc                   ఫస్టు

అయినా దొరకలేదు ఏ చిన్న                     పోస్టు

ఓ కంపనీలో ఉందన్నారు ఒక                    పోస్టు

పోగానే వ్రాయమన్నారో                           టెస్టు

వచ్చాను అందులోనూ                            ఫస్టు

సెలక్షన్ అప్పుడు పిలిచారు నన్నే                   ఫస్టు     

చూపించారు నాకో                                  లిస్టు

లంచం ఇస్తే ఉంటుందంట నా పేరు              ఫస్టు

లేకుంటే ఇస్తామన్నారు                           లాస్టు

అన్నింట్లోను వచ్చాను నేనే                        ఫస్టు

కాని లంచం ఇవ్వటంలో నేనే                      లాస్టు 

పేరుకు మాత్రం కావాలి గోల్డు                 మెడలిస్టు

అయినా ఇవ్వరు...  లంచం ఇవ్వంది           పోస్టు

ఇదేనా విద్య యొక్క                               కాస్టు

ఐతే ఇక చదువుకొందే                                  బెస్టు      

లంచం ఇస్తే దొరుకుతుంది                        పోస్టు

ఇక సర్టిఫికేట్ ఎందుకు                              వేస్ట్ వేస్ట్ ....  

ఆకలిరాజ్యం సమయంలో చదివిన కవిత మా నాన్న కవితల సంపుటిలో ...  

సముద్రం

ప్రశాంతమైన, ప్రళయాంతకమైన వాతావరణాన్ని చూపెట్టావు

మండే సూర్యుడు, వెన్నెల చంద్రుడు దగ్గరవుతున్నట్టుగా;

నీలాకాశం నీరు కలిసి పోతున్నట్టుగా నేత్రానందాన్నిచ్చావు  

అలల ఆటు పోట్లని ఎదిరిడడం, జీవితపు ఓడిదిడుకుల ఎదుర్కొనడం నేర్పావు

ఏకాంత వేళ మదిలోని భావాలను నా కలం నుండి జారువాడే కవితలకు ప్రేరణ అయ్యావు 

నీ చెంత చేరేందుకు నింగి, నేల, నీటిపైన నే చేసిన ప్రయాణాలు ఆసక్తికరంగా మిగిల్చావు

నీ ఆతిద్యంలో జీవితకాలపు మధురానుభూతులను మిగిల్చావు

నీ ఒడిలో సేద తీరడానికి తిరిగి తప్పక వస్తానని వీడుకోలు...

  

ఆత్మనేపదము

ఆత్మవిమర్శ, అత్మన్యునత, ఆత్మాభిమానం, ఆత్మవిశ్వాసం, ఆత్మార్థం...

ప్రతి ఓటమిలోని తప్పులని ఆత్మవిమర్శ చేసుకుంటూ
ఓడిదిడుకుల మద్య అత్మన్యునతను ఎదుర్కొంటూ
ఎత్తి పోడుపులనుండి అత్మభిమానాన్ని కాపాడుకొంటూ
ప్రతి గెలుపుతో ఆత్మవిశ్వాసాన్ని పెంచుకుంటూ
ఆత్మార్థం కోసం జీవించు

ఆత్మీయత

తన పేరు తెలిదు తను ఎక్కడ ఉంటారో తెలిదు. కాని ప్రతి ఉదయం సూర్యకిరణాల వెలుగులు పూర్తిగా విరజిమ్మక ముందే మా ఎడుర్కొల్పులు మేము కలుసుకునేది కొన్ని క్షణాలు మాత్రమే మాట్లాడుకునేది కొన్ని మాటలే.. !! శుబోధయం, ఎలా ఉన్నారు, ఆ రోజు వాతావరణం ఎలా ఉంటుందో అని ...చివరగా వీడుకోలు, ఇదే ప్రతి ఉదయం ఉద్యగానికి వెళ్ళే ముందు దినచర్య .

కొన్ని రోజుల తరువాత ఉద్యోగరిత్యా నేను కొన్ని రోజులు ప్రయాణం చేయవలసి వచ్చింది, సముద్రపు ప్రయాణం తరువాత వచ్చిన మరుసటి రోజు ప్రొద్దున తిరిగి మా కలయిక... ఈ సారి మా మాటల ప్రవాహం ఆగలేదు నా ప్రయాణపు అనుభవలా దగ్గరనుంచి రాజకియాలవరకు వెళ్ళింది అలా మాట్లాడుకుని ఆ రోజుకి వీడుకోలు చెప్పుకున్నాం.

అక్కడనుంచి నా ప్రయాణం నా ఉద్యోగస్తలం ఆ కొద్ది నిమిషాల ప్రయాణంలో కుటుంబ సభ్యులు, బందువులు మరియు స్నేహితులు ఇలా ఎంతో మంది ఆత్మీయులను వదిలి ఉంటున్నానన్న వెలితికి ఒక తాత్కాలిక వెసులుబాటు కలిగింది !! తాత వయస్సులో ఉన్న తనని కలిసినప్పుడు కలిగే ఆత్మీయతా భావం గుర్తు తెచ్చుకుంటే నాలోని ఏదో ఆనందం... ప్రతి రోజు ఇలాంటి ఎన్నో అనుభవాలు.. మనసులోని ఎన్నో సంఘర్షణలకు జవాబులను ఇస్తూనే ఉంటాయి. జీవితానికి ఒక ప్రశాంతమైన దృక్పథం అలవడుతుంది.

-
తల్లోదండ్రులకు దూరంగా ఉండి చదువుకునే లేదా ఉద్యోగం చేసే వాళ్ళ తరుపునుంచి నేను చెప్పే కొన్ని భావనలు.. మేము మీకు దూరంగా ఉన్నా మా పరిసరాలలో మిమ్మల్ని ఎప్పుడు వెదుకుతూనే ఉంటాం, చుట్టూ ఉన్నవాళ్ళలో మిమ్మల్ని చూసుకుంటాం.  

నా ఉద్యోగం

నా ప్రస్తుత ఉద్యోగం  "Mooring Engineer"..

ఇదే విషయం మా అమ్మమ్మకి చెపితే మోరి ఇంజనీరు ఏందిరా అనింది? "మోరి ఇంజనీరు" కాదు "మూరింగ్ ఇంజనీరు" అని చెప్పడానికి ప్రయత్నించా కానీ విషయం మొదటికి వచ్చింది..మోరిలు తవ్వుతవ ఏంది అనింది?

అయ్యో  నేను నీటిలో తేలుతూ ఉండే పడవలకి లంగరు వేస్తూ ఉంటా అని చెప్తే .. ఆ పని చేయడానికి అంత పెద్ద చదువులు చదివి అంత దూరం పోవడం అవసరమా అనింది?

అలా కాదు సముద్రంలో తేలుతూ ఉండే పెద్ద బోరు బావులు తవ్వే పడవకి లంగరు వేస్తుంట అంటే, నీళ్ళలో ఉంటూ బోరు బావులు తవ్వడం ఏందిరా అనింది!!

ఈ పడవలు తవ్వే బావులు నీళ్ళకోసం కాదు చమురు కోసం అని, ఈ పడవలు అలల తాటికి, గాలి తాటికి కొట్టుకొని పోకుండా సంరక్షించేందుకు లంగరు వేసి ఉంచుతాము అని చెప్పా, చమురు తవ్వుకుంటారు సరే అది భూమి మీదకి ఎలా తెస్తారు అనింది!!

క్షీర సాగర మధనం తరువాత గరుత్మంతుడు అమృతభాండాన్ని ఎలా తీసుకోని వచ్చాడో నాకు తెలిదు కానీ, ఈ చమురుని పైపులు లేదా పడవల ద్వారం నేల మీదకి తీసుకోని వస్తారని చెప్పే పాటికి మా అమ్మమ్మకు నా ఉద్యోగం గురుంచి పూర్తిగా అర్థం అయ్యిందో లేదో కానీ తన కళ్ళల్లో ఏదో ఆనందం!!! అదేదో నేనే చమురు బావులు తవ్వేస్తున్నానట్టుగా!!!  నేను చేసే పని చమురు పరిశ్రమలో ఇసుమంత అని మరొక సారి చెప్పా !! మొత్తానికి ఒక ఆసక్తికరమైన సంభాషణ జరిగింది మా మద్య :)

కొన్ని సార్లు మనం చేసే పని చిన్నదే అయిన దానికి గల ప్రాముఖ్యత చాల ఉంటుంది.. ఏ పని చేస్తున్నామని కాదు చేసే పని ఇష్టమేనా అన్నది ముఖ్యం. 

భగ్న ప్రేమ

మదిలో నాకోసం గుడి కట్టావన్నావు

జీవితాంతం నాతోనే పయనమన్నావు 

అల్లంత దురాన ఉన్నావన్నావు

ఎడబాటులోని ఎదురుచూపులు  భారమన్నావు 

దరి చేరుకునే సరికి నన్ను కాదన్నావు
వీడలేని వేడుకోలు వద్దన్నావు
కళ్ళ ముందు ఆశల సౌధం కరిగిపోతుంటే
కాళ్ళ కింది అడుగునేల సుడిగుండెంలా మారుతుంటే 
బూతకాలం లోని భగ్నాలను మరిచిపోతూ, 
వర్తమానంలోని వెలుగుని చూస్తూ, 
భవిష్యత్తుకు భరోసానిస్తూ మరో అడుగు

జన్మదిన శుభాకాంక్షలు

చిన్నారి పాపాల చిరునవ్వులు చిందిస్తూ,

చిరు దివ్వెల వెలుగునిస్తు చిరకాలం చిరంజీవిల బ్రతకాలని ఆశిస్తూ.. 

అలజడి

కాలంతో పరిగెడుతు, గమ్యమేటో తెలియని సమయాన 

ఒక్క సరిగా నాలో అలజడి 

సముద్రాలూ దాటి దేని కోసం ఈ వేట అంటు

జ్ఞాన శోదన కోసమా, కాసుల వేట కోసమా అంటు 

ఆత్మీయులకు దూరంగా ఉంటు

సుఖ దుఖాలను, గెలుపు ఓటములను పంచుకోలేని సమయాన 

దూరాన్నిదగ్గర చేసే ప్రతీ ప్రయత్నం

మాతృ ప్రేమకై, మాతృదేశానికి పయనం ఎప్పుడుదేప్పుడా అని మది నిండా ఆలోచనలు 

చిరు కావ్యం

సూర్యోదయంలోని ఉషాకిరణాలు

నీలాకాశంలో తెల్లని మబ్బులు

అద్దంలా మెరిసే సముద్రంలోని అలలు

సూర్యాస్తమయంలోని సముద్రపు ప్రతిబింబాలు

ఇవన్నికన్నులకు మధురమైన దృశ్యాలు

ఏకాంతపువేల సముద్రపు ఒడిలోన  నా కలంనుంచి జాలువారిన చిరు కావ్యం

అందం, ఆకర్షణ, అవగాహన, అణకువ, అనుబంధం...

త్వరలో ....

ప్రేమికుల మద్య విడదీయరాని అనుబంధం ఎలా ...